Poetry Issue 10

   Issue # 10: July-December 2008

Allan Popa



Gericault


                                    A tous ceux que j’aime. Adieu!


      Mula sa dalisay na katahimikan na iyong hiningi
      upang makapagpinta, mahaplos nang hindi nasasaling

      ang mukha ng baliw, kriminal, may-sakit, bangkay,
      silang hindi nakapagbabalik ng iyong tingin: pugot na ulo,

      putol na paa, putol na kamay, kaliwang kamay na hindi
      gumuhit ngunit putol na iginuhit bago ka bumitaw,

      maiaahon ka ng matitipunong kabayo, maitatali mo
      ang iyong katawan sa katawan nilang pumapalag sa renda.