Poetry Issue 13

   Issue # 13 : January - March 2011

Mesándel Virtusio Arguelles



Ang Iyong Buhay Ay Laging Mabibigo


      Sikapin mo mang gawin
      ang lahat upang maging sining
      ang iyong buhay ay laging mabibigo.

      Sikapin mo mang gawin
      ang lahat upang maging buhay
      ang iyong sining ay laging mabibigo.

      Sikapin mo mang agawin
      ang iyong buhay upang maging lahat
      ang iyong sining ay laging mabibigo.

      Ang iyong sining ay laging mababago ng iyong buhay.
      Ang iyong buhay ay laging mabibigo ng iyong sining.
      Ang iyong sining ang iyong buhay ang iyong kabiguan.