Poetry Issue 14

   Issue # 14 : January - June 2011





Harris Guevarra

[Hinihintay kong kumawala ang sarili]































































[Hinihintay kong kumawala ang sarili]





    Hinihintay kong kumawala ang sarili
    sa mata ng mapanganib na hayop.

    Busog ako sa mangha, gutom sa paliwanag
    kung bakit hindi ako napapanatag
    sa harap ng kaniyang habag.

    Sinusundan niya ang susunod kong kilos.

    Sinusukat ng kaniyang katahimikan
    ang aking katawan.

    Sa huli, sabay kaming kumurap at natakot.

    Nagpakita ang Diyos sa aking mga mata.