Poetry Issue 15

   Issue #17 : July-December 2012

Om Narayan Velasco



Ilang Talababa


      ***

      Sa loob ng silid-aralan, winika
      ng paham ang halaga sa paghahanap
      sa mga katutubong kasulatan --

      ang ating tanging
      pagkakakilanlan


      Lumutang ang sandali.
      Umiingit sa pag-ikot ang nakabiting ulo
      ng bentilador.

      Sa labas ng silid, sumilip
      paloob sa mga bintana
      ang dilim.

      Mabilis natuyo ang kanyang sinabi
      sa dingding.

      Sinubukan mo itong itala
      sa kuwaderno gamit
      ang mga sariling salita--

      ito pa rin ba
      ang aking salita